Azərbaycan uşaq ədəbiyyatının təşəkkül problemi və ona elmi-nəzəri münasibət
Sevinc RəsulovaDOI: http://dx.doi.org/10.29228/edu.341
ORCID ID: https://orcid.org/0000-0003-1070-6069
Tarix: 29 Fevral 2024
XÜLASƏ
Azərbaycan ədəbiyyatşünaslığında
milli uşaq ədəbiyyatının təşəkkül tarixi ilə bağlı fərqli fikirlər mövcuddur. Həmin fərqli fikirlərin
tarixi XX yüzilliyin əvvəllərindən başlamış və son dövrlərə qədər davam
etmişdir. Bu mühüm problemlə bağlı müxtəlif fikir və qənaətlər mövcuddur. Bu cür fikir və qənaətlər uşaq ədəbiyyatının
özünəməxsus xüsusiyyətlərini nəzərə almamaqdan irəli gəlmişdir. Təəssüf ki, həmin
qənaətlər Azərbaycan uşaq ədəbiyyatına aid proqramlara və dərsliklərə də yol
tapmışdır. Məqalədə bu barədə Azərbaycan ədəbi-nəzəri fikrində mövcud olan
mülahizə və qənaətlər nəzərdən keçirilir. Eyni zamanda Azərbaycan uşaq ədəbiyyatının
təşəkkül tapdığı konkret tarixi dövr müəyyən edilir. Faktlarla qeyd edilir ki, ədəbiyyatın
müstəqil bir qolu kimi Azərbaycan uşaq ədəbiyyatı XIX əsrin 70-80-ci illərində
təşəkkül tapmışdır. Onun ilk nümayəndəsi, yəni uşaq ədəbiyyatımızın banisi kimi
S.Ə.Şirvanini qəbul etməliyik.
AÇAR SÖZLƏR
Azərbaycan ədəbiyyatı, uşaq ədəbiyyatı, ədəbi-nəzəri
fikir, XIX əsr, Seyid Əzim Şirvani yaradıcılığı
