Müəlliflərin nəzərinə

Məqalə tərtibatına dair tələblər

Məqalənin strukturu

Məqalələr aktual mövzulara həsr olunmalı, jurnalın məzmun və üslubuna uyğun akademik tələblərə cavab verməli və IMRAD (Introduction, Methods, Results, and Discussion) strukturuna uyğun olaraq təqdim edilməlidir. Məqalədə Giriş (Introduction), Metodologiya (Methods), Nəticələr (Results), Müzakirə (Discussion), Nəticə (Conclusion), Ədəbiyyat siyahısı (References) aydın şəkildə bölmələrə ayrılmalıdır. 

§   Giriş hissəsində − tədqiqatın mövzusu, aktuallığı, məqsədi, əsas sualları aydın şəkildə təqdim olunmalı, həmçinin tədqiqatın elmi əhəmiyyəti və təklif etdiyi yeniliklər vurğulanmalıdır.

§     Metodologiya hissəsində − tədqiqatın aparılma üsulları, istifadə edilən materiallar və metodlar ətraflı şəkildə izah edilməlidir.

§  Nəticələr hissəsində − tədqiqatdan əldə edilən nəticələr təqdim olunmalıdır. Bu hissədə yalnız konkret faktlar və məlumatlar yer alır, əlavə izahat verilmir. Nəticələr cədvəllər, qrafiklər, diaqramlar və digər vizual vasitələrlə təqdim edilə bilər.

§   Müzakirə hissəsində − əldə olunan nəticələr müzakirə və təhlil edilməli, əvvəlki araşdırmalarla müqayisə aparılmalı, onların əhəmiyyəti vurğulanmalı və gələcək tədqiqatlar üçün konkret təkliflər verilməlidir.

§   Nəticə hissəsində − ümumi nəticələr qısa və aydın şəkildə yekunlaşdırılmalı, ümumiləşdirilmiş praktiki təkliflər təqdim olunmalı, həmçinin gələcək tədqiqatlar üçün tövsiyələr verilməlidir.

§      Ədəbiyyat siyahısında − son 5-10 ilin elmi mənbələrinə üstünlük verilməli, mənbələrin sayı 10-dan az olmamalıdır.

Məqalənin tərtibat qaydaları

Məqalənin titul səhifəsində məqalənin adı, müəllifin adı və soyadı, elmi dərəcəsi, çalışdığı müəssisənin adı, elektron poçt ünvanı, ORCID ID-si və yaşadığı ölkə adı qeyd edilməlidir. 

Xülasə ─ 150–250 söz arası olmaqla, Azərbaycan və ingilis dillərində yazılmalıdır. Xülasə, məqalənin məqsədini, metodlarını, əldə edilən əsas tapıntıları və əsas nəticəni, elmi yeniliyi və məqalənin praktik əhəmiyyətini qısa və aydın şəkildə təqdim etməlidir.

Açar sözlər ─ 3–5 söz və ya ifadələrdən ibarət olmaqla, Azərbaycan və ingilis dillərində yazılmalıdır.

Mətn formatı ─ Məqalənin mətni Microsoft Word proqramında, A4 (210 x 297 mm) formatda, Times New Roman ‒ 14 şriftində yığılmalı, intervalı – 1.15, həcmi 6-12 səhifə arası olmalıdır. 

Ədəbiyyat siyahısının tərtibat qaydası

Kitaba istinad: Kazımov, Q. (2007). Müasir Azərbaycan dili. Sintaksis. Təhsil. 

Jurnala istinad: Həsənova, S. (2021). Aşıq Ələsgər və ədəbi dilimiz. Azərbaycan dili və ədəbiyyat tədrisi, 279(4), 25–34.   

https://dx.doi.org/10.48445/TAIIJ.2021.46.47.002

İnternet mənbəsinə istinad: Mehdiyeva, Ş. (2019, 16 fevral). Ana dilimiz milli-mənəvi sərvətimizdir. Muallim.edu.az.

https://www.old.muallim.edu.az/news.php?id=4303

Məqalədaxili istinad qaydası: (Kazımov, 2007) / (Kazımov, 2007, s. 54)

Məqalənin redaksiyaya təqdim edilmə qaydası

Məqalə redaksiyaya iki formada təqdim edilə bilər: elektron poçtla (tall@edu.gov.az) və jurnalın veb-saytı (http://tall.edu.az) üzərindən.

Nəşr haqqı

-  Jurnalda məqalə çapı ödənişsizdir;

-  Məqalələrin çapa işlənib hazırlanması üçün müəlliflərdən ödəniş tələb edilmir;

 - Dərc olunmuş məqaləyə görə hər müəllifə bir ədəd jurnal təqdim edilir.