Heydər Əliyevin mədəniyyət siyasətində dil faktorunun strateji əhəmiyyəti
Dünya MəmmədliDOI: https://doi.org/10.48445/r4255-7065-8764-y
ORCID ID: https://orcid.org/0000-0003-3879-1437
Tarix: 24 Aprel 2025
XÜLASƏ
“Heydər Əliyevin mədəniyyət
siyasətində dil faktorunun strateji əhəmiyyəti” adlı məqalə Ulu öndərin mədəniyyət
siyasətində dilin mühüm rolunu araşdırır. Məqalədə dilin yalnız ünsiyyət vasitəsi
deyil, Azərbaycanın milli kimliyini, mədəniyyətini, tarixini qorumaq və inkişaf
etdirmək üçün əsas amil olduğu fikri vurğulanır. Heydər Əliyev tərəfindən həyata
keçirilən dil siyasəti müstəqil Azərbaycan dövlətinin gücləndirilməsi və mədəni
irsinin qorunması istiqamətində mühüm rol oynamışdır. Məqalədə Heydər Əliyevin
dil siyasətinin əsas elementləri, o cümlədən dilin qorunması üçün hüquqi
bazanın yaradılması, latın qrafikasına keçid və Azərbaycan dilinin beynəlxalq
aləmdə təbliği müzakirə olunur. Ulu öndərin idarəçiliyi dövründə dilin təhsil,
mədəniyyət və dövlət işlərində tətbiqi, Azərbaycan dilinin həm daxili, həm də
beynəlxalq səviyyədə tanıdılmasında rolu faktlarla əsaslandırılmışdır. Onun
apardığı siyasət gələcək nəsillərin Azərbaycan dilini qoruyub inkişaf etdirməsi
üçün əsaslı zəmin yaratmışdır.
AÇAR SÖZLƏR
Heydər Əliyev, mədəniyyət
siyasəti, dil faktoru, Azərbaycan dili, mədəni irs, dilin qorunması
