Məqalələr

Dilimizin inkişafı və dövlətçilik tarixində ümummilli lider Heydər Əliyevin rolu

XÜLASƏ

Məqalədə ümummilli lider Heydər Əliyevin Azərbaycan dilinin qorunması və inkişafı istiqamətində göstərdiyi əvəzsiz xidmətlərindən, bununla bağlı imzaladığı sərəncam və fərmanlardan bəhs olunur. Müdrik şəxsiyyət hər zaman öz çıxışlarında tarixi keçmişdən aldığımız dərsləri yada salır, xalqımızın başına gətirilən müsibətləri unutmamağı, bütün bunlardan ibrət almağı tövsiyə edirdi. Onun müəllifi olduğu azərbaycançılıq fəlsəfəsi bu gün dünyanın müxtəlif ölkələrində yaşayan həmvətənlərimizi birləşdirən milli ideologiyadır. Azərbaycan Respublikasında dil siyasətinin möhkəm əsaslar üzərində formalaşdırılması, Azərbaycan dilinin dövlət dili olaraq tətbiqi işinin təkmilləşdirilməsi və dünya azərbaycanlılarının ünsiyyət vasitəsinə çevrilərək beynəlxalq aləmdə nüfuzunun artması bilavasitə Ulu öndərin adı ilə bağlıdır. Ümummilli lider Heydər Əliyev dilə münasibəti ilə hər kəsə örnək olmuş, ana dilimizin qorunması və təbliği istiqamətində müstəsna tədbirlər görmüşdür. Ölkəmizdə ana dilinin hərtərəfli inkişafında, onun saflığının qorunub işlək dilə çevrilməsində və beynəlxalq münasibətlər sisteminə yol tapmasında ümummilli lider Heydər Əliyevin əvəzsiz xidmətləri olmuşdur. Görkəmli dövlət xadimi ana dilinə – Azərbaycan xalqının milli dilinə daim diqqət yetirmişdir.

AÇAR SÖZLƏR

dilimizin inkişafı, dövlətçilik tarixi, ümummilli lider, dil siyasəti, dilin saflığı, dövlət dili