Elçin Hüseynbəylinin hekayələrində yurd həsrəti və məcburi köç taleyi
Günay YediyarlıDOI: https://doi.org/10.48445/f2426-5396-4285-x
ORCID ID: https://orcid.org/0009-0007-9084-415X
Tarix: 13 Aprel 2026
XÜLASƏ
Məqalədə çağdaş Azərbaycan
nəsrinin tanınmış nümayəndələrindən biri olan Elçin Hüseynbəylinin
yaradıcılığında yurd həsrəti və qaçqınlıq taleyi bədii-tədqiqat müstəvisində təhlil
olunur. Müəllifin “Gözünə gün düşür”, “Küləkli çöl”, “Kəndə gün çıxanda
qayıdacağıq” kimi hekayələri əsasında qaçqınlıq probleminin ədəbi təcəssümü
araşdırılır; işğal və məcburi köç səbəbilə yaranan vətən nisgili, kimlik
boşluğu və yurd itkisi ilə bağlı mənəvi iztirablar ön plana çəkilir. Məqalədə həmçinin
Elçin Hüseynbəyli yaradıcılığında bədii üslub xüsusiyyətləri, onun yazıçı
mövqeyində milli-mənəvi dəyərlərə bağlılıq, bəşəri ideallara sədaqət və vətən
sevgisi kimi amillər diqqət mərkəzinə gətirilir, qaçqın obrazlarının daxili aləmi,
yaddaş və gerçəklik arasında baş verən toqquşmalar, torpaq itkisi ilə paralel
gedən mənəvi deqradasiya və nostalji motivlər təhlil edilir. Müəllifin hekayələrdə
məcburi köç və yurd həsrəti mövzusuna realist və humanist yanaşması, həmçinin
müasir ədəbiyyatda bu mövzunun daşıyıcısı kimi rolu elmi əsaslar və sitatlar əsasında
araşdırılır.
AÇAR SÖZLƏR
qaçqınlıq, yurd həsrəti,
vətən sevgisi, müasir Azərbaycan hekayəsi
