Məqalələr

XX əsr özbək ədəbiyyatının görkəmli nümayəndəsi Şöhrətin sənətkarlıq məharəti və üslubu

ABSTRACT  

Məqalə XX əsr özbək ədəbiyyatının inkişafında Şöhrət yaradıcılığının roluna həsr edilmiş, insan ruhunun və emosional yaşantılarının poeziyada ifadəsi, üslub və ifadə imkanları, janr və üslub rəngarəngliyi təhlilə cəlb edilmişdir. Məqalə Şöhrət poeziyasının onun nəslinin digər yaradıcıları ilə müqayisəsi əsasında ənənəviliyi, davamlılığı və yenilikçi xüsusiyyətlərinin aydınlaşdırılması; şairin lirik-epik və dramatik əsərlərində xalq pafosunun əks olunması, poetik təfəkkürün yenilənməsi, əsərlərində folklorizmin bədii funksiyalarının müəyyənləşdirilməsi; süjet, kompozisiya, baş qəhrəmanın fərdi xarakteri, onların bədii təfəkkürdə yerini yeni bədii-estetik baxışlar əsasında nəzəri əsaslandırılması; yazıçının romanlarında bədii ideya və obrazların funksiyalarını, folklorşünaslığı və ədəbi təsirini, tarixi həqiqətin bədii dərkini, poetik nitqi, ifadədə lakonik formanı, fəlsəfi müşahidənin dərinliyini, məntiqi ardıcıllığı, poetik obrazda bədiilik meyarlarını müəyyən etməkdən ibarətdir. 

AÇAR SÖZLƏR 

poetik aləm, lirik obraz, ədəbi-estetik baxış, didaktik məzmun, obrazlı üsul