Məqalələr

Azərbaycan dili fonetikasının tədrisinin ümumi metodik prinsipləri

XÜLASƏ

Məlum olduğu kimi, ədəbi dil normallaşdırılmış dil olduğundan, onun həm yazılı, həm də şifahi növlərində müəyyən qaydalardan, normalardan istifadə olunur. Orfoqrafiya dilin istər saflığı, istərsə də inkişafı üçün əvəzolunmaz bir vasitədir. Dilimizin tarixinə nəzər saldıqda məlum olur ki, orfoqrafiya müxtəlif səbəblərdən dəfələrlə dəyişikliyə məruz qalmış, əsaslı təkmilləşmə prosesi keçmişdir. Tarix boyunca xalqımız müəyyən dövrlərdə ərəb, rus və latın əlifbalarından istifadə etmişdir. Təbii ki, qəbul edilmiş vahid və düzgün orfoqrafiya qaydaları yazının imkanlarını artırmaqla yanaşı, həm də onu sabitləşdirir və beləliklə, yazı və ədəbi dil inkişaf edir. Qeyd etməliyik ki, fonetikanın tədrisində başlıca məqsəd düzgün yazı qaydalarına söykənən savadlı yazını təmin etmək və bununla yanaşı, ədəbi tələffüz normalarına tabe olan nitq inkişafına nail olmaqdır. Azərbaycan dili müəllimləri orfoqrafiya və orfoepiya təlimində öyrədilməsi vacib olan məsələləri müasir təlim metodları vasitəsilə şagirdlərə təqdim edərək, onların marağını cəlb etməklə yanaşı, əldə etdikləri biliklərin şüurlu şəkildə mənimsənilməsinə şərait yaradırlar.

AÇAR SÖZLƏR

ədəbi dil, orfoqrafik qayda, fonetik prinsip, ədəbi tələffüz, morfoloji prinsip, tarixi-ənənəvi prinsip, orfoqrafiya və orfoepiya təlimi, nitq inkişafı, dərketmə prosesi