Məqalələr

Ədəbiyyat təlimində şagirdlərin müstəqilliyinin inkişaf etdirilməsi imkanları

XÜLASƏ

Ölkəmizdə həyata keçirilən təhsil islahatı müstəqil düşüncəli, qarşılaşdığı problemlərin həll yollarını müəyyənləşdirməyi bacaran gənc nəslin tərbiyə edilməsini ciddi vəzifə kimi qarşıya qoymuşdur. Bu vəzifənin reallaşdırılması tədris vasitələrinin təkmilləşdirilməsindən əhəmiyyətli dərəcədə asılıdır. Təsadüfi deyildir ki, yeni təhsil proqramının – kurikulumun hazırlanmasına, tətbiqinə və təkmilləşdirilməsinə xüsusi diqqət yetirilir. Ədəbiyyat fənn kurikulumunda da məsələnin vacib olması ardıcıl olaraq xatırladılır, konkret tələblər və yollar göstərilir. Başqa sözlə, şagirdlərin fəallığının, müstəqilliyinin inkişaf etdirilməsi fənnin əhatə etdiyi bütün məsələlərdə öz ifadəsini tapır. Yəni tərcümeyi-hal, icmal, ədəbi-nəzəri materiallar, monoqrafik mövzuların və s. öyrənilməsində qazanılmış biliklərin bacarıqlara çevrilməsi, şagirdlərin idrak fəallığının, təfəkkür müstəqilliyinin inkişaf etdirilməsi birinci dərəcəli vəzifə hesab edilir. Məqalədə təhsil proqramının və ədəbiyyat dərsliklərinin təhlili məhz bu istiqamətdə aparılmışdır.

AÇAR SÖZLƏR

kurikulum, təhsil proqramı, məzmun xətti, məzmun standartı, fəallıq, müsəqillik